1. Ñanj nataꞋ dànèꞋ nneꞋ. Dukuâ sun nne nej Konsul huin ñan ga̱Ꞌhue gìrìꞋ ñanj gachinꞋ aꞌngô país, ñanj huìj i huin ñanj gi̱nikaj si‑matrikula konsul, ni̱ ñanj huàꞋnï̀nj ïn huin kredensial guendâ gàꞋhuìꞋ boto ni̱ ga̱Ꞌhue̱ gàꞋhuiꞋ boto ngàa nneꞋ Maká. Riñan nej huàꞋnɨ ̀nj ñanj nânj nnûn si-yu̱guîꞋ ngà ñan du̱ꞋhuâꞋ. Ga̱Ꞌhue ga̱ra̱n sunꞋ ñanj nânj Yiñán RaꞋñanꞌan guendâ nàꞌnɨ ̀nj sàꞌ si‑sànꞋànj ruhuâ banko, nej si na̱du̱na̱Ꞌ ñanj sanꞋanj an nej si guendâ gùnùtà si-yu̱gui daꞋnít riñan hueꞋ digiꞋñûn. Nej si gachinj sita riñan MEXITEL 1-877-639-4835 si nàsìnùnj giniꞋñanj ahuin goꞋngo̱ nej ñanj nânj.
  2. Dukuâ sun ñan tàj siyuguiꞌ. Si huinꞌ sí Maká nej si huinꞌ siyànà Maká sani̱ Yiñán RaꞋñanꞌan gaꞌnga nej daꞋnít, ni̱ gaꞋhue gùnùtàꞌ si-yugui nej sij riñan konsulado si huin nej sij guiì maká. HiôꞋ ni̱ ga̱Ꞌhue gìrìꞋ nìꞋhiaj nej sij si ga̱huin yiñán nej sij huìj país. Si ruhuâꞋ ga̱ra̱n ràꞌaꞋ ni̱ ga̱ꞌhue gu̱du̱ran ra̱ꞌa Konsul sòꞋ ngà nikat. Ni̱ ñanj garan ràꞋaꞋ nânj ni̱ gu̱ña̱n duꞋhue Yiñán RaꞋñanꞌan ngà Maká.
  3. Du̱naꞌhuej nej sij rayiꞋîꞋ. Gi̱nun ruhuâꞋ si dàj na̱nj giꞌhiâꞌ nga gachînꞌ, ni̱̱ hua̱ naniꞋhiâꞌ ngàa guchiꞋ Yiñán Raꞌñanꞌan. Dukuâ sun dunaꞌhuej rayiꞋîꞋ, ni ̱ hua ̱ ruhuaj du̱naꞋhue rayiꞋîꞋ, ni ̱ huaj du̱naꞋhue rayiꞌîꞌ guendâ rayiꞌî gàꞌì yìꞌnï̀ nꞋ nuguanꞌan. Ni ̱ ga̱ Ꞌhue gàꞋnïn ga̱ ꞋanjꞋ riñan dukuâ sun ñan na̱ ri̱ ki ̱ nej sij chrej e riñanꞌ dàj dunaꞌhuej rayiꞋîꞋ. Gui̱ jñan nne dukuâ sun nìchrùnꞋ doj ñan ni̱ ka̱ jsu̱n Konsul ni ̱ nej sij gànàtàꞌ dàj gi̱ ꞌhiâꞌ ngàa dugunânj ma̱ ꞌan nï̀ nꞋ nej sij sôꞋ riki ñan giꞌhiaj sunꞋ, nej si ngàa naꞋhuej nej sij na̱ruꞌhue nej sij nej gui giꞋhiaj sunꞌ, ga̱ꞌhue gàchìnj naꞌanjꞋ si hua ̱ ꞌngo̱ chrej dàj gi̱ ꞌhiâꞌ na̱ giꞌhiaj yìtï̀ nj guendâ ga̱ nêꞌ ruhuâ Yiñán Raꞌñanꞌan, dàj gi̱ Ꞌhiâꞌ ngàa naꞋhuîꞌ duguiꞌ nne dukuâ gaꞋa nej si naꞌhue gànàrìꞋ nej duguiꞌ gaꞋanj ni̱ ꞌhia, ni ̱ dàj du̱naꞌhuej rayiꞌî nej duguiꞌ ganari ninj nej sij nej si gaꞌhuiꞋ nej sij niꞌhiaj nej siyànà giꞌhiaj sun hueꞌe, dàj giꞌhiâꞌ ngàa naꞌhuej sí gahuin nikaꞌ ri̱ ki ̱ sij sanꞋanj ya̱ daꞌnít ngà gàꞋ gireꞋej duguiꞌ nguej eꞌ, ni ̱ ahuin aꞌngô nej sa hua̱ riñan'.
  4. Notario ri̱ki̱ permisu. Si ruhuâꞋ gi̱ Ꞌhiaj hi̱ aꞋ rayiꞌî ꞌngo̱ nuguanꞌ ahi doj hua nda Maká sani ̱ sisi ̱ si ̱ gaꞌhue gìrìꞋ gaꞋanjꞌ, ni ̱ gaꞌhue ga̱ Ꞌa̱ nj riñan ꞌngo̱ dukuâ sun gùꞋnàj notario nej sij huin sa ga̱Ꞌhue gu̱ru̱gu̱ñuꞋunj rukûꞋ. Notario nne Maká huin sa ri̱ ki ̱ permisu si ga̱ꞌhue ganikïnꞌ ꞌngo̱ síi riñanꞌ guendâ duna̱ꞌhuej sij rayiꞌî ꞌngo̱ doꞌót, ñan ganachi nikaj ꞌngo̱ ñanj si gi̱ ra̱ nnej sij nej si gu̱ du̱ ꞌhueꞋ nej sij Ꞌngo̱ siꞌhiát nej si guendâ gùyùtù ñanj ñan garan ràꞌâꞌ. Ni̱ si hua̱ ꞌngo̱ sa giꞌhiaj chij riñanꞌ ni̱ gaꞌhue ga̱ꞌanj ñan nne Konsul ni̱ gataj sij dàj gi̱Ꞌhiáꞌ na̱nj ánj.
  5. Ñan ga̱huin chru̱nꞌ ngà dukuâ gonoꞌô ga̱ra̱n sunꞋ. Dukuâ sun ni̱ka̱j ñuꞌunj riñan nej yumanꞌan, ꞌnïnj raꞌa nej yìꞌnï̀nꞌ nej sa ga̱ꞌhue gu̱ru̱guꞌunj riñanꞌ daranꞌ nej guiì ngàa nne ninj Yiñán Raꞌñanꞌan. Ga̱ꞌhue gataj sij dànèꞋ hua ga̱ꞌhue ga̱ꞌa̱nj ga̱huin chru̱nꞌ nânj stila, ñan gahuin chru̱nꞌ nânj raꞌñanꞌan, nej si ruhuâꞌ ga̱huin chru̱nꞌ dàj gi̱̱ꞌhiaj sunꞌ aꞌngô suun. Ni̱ dukuâ sun nânj nikaj ꞌngo̱ lista dànèꞌ nne dukuâ gonoꞌô ñan gi̱ꞌhiaj go̱no̱ꞌo̱ nej sij sòꞌ ni̱ nitaj si ga̱huin si nitaj seguru nikaj dadinꞋ ninaj doj gàꞌnè nej sij sanꞌanj an riñanꞋ. Ni̱ huê danj na̱nj hua̱ dukuâ sun na̱ri̱ki̱ chrej e dànèꞌ nne aꞌngô dukuâ sun ni̱ka̱j duguiꞌ ngà yiñánꞌ. Ni̱ si̱ hua̱ Ꞌngo̱ sa niꞌñanj ni̱ si̱ ganïn huàꞌ ruhuâꞌ ga̱ꞌa̱nj giniꞌhiaj ñan nne dukuâ su̱n nânj si niꞌñanjꞋ nej sa hua̱ riñanj na̱nj ánj.