1. Yi̱i̱ꞌ rí naꞌthá náá xa̱bíi̱ ñajuaanꞌ. Náa̱ guꞌjuá ñajunꞌ rígi̱ꞌ ma̱goo ma̱khanááꞌ yi̱i̱ꞌ rí mi̱dxu̱ꞌ i̱mba̱ numbaaꞌ, ma̱goo ma̱khanááꞌ yi̱i̱ꞌ rí najmúú xa̱bu̱ ñajunꞌ Mixííꞌ, ma̱goo mi̱tha̱nda̱ꞌja̱ yi̱i̱ꞌ rí ma̱go̱o̱ mira̱xna̱a ñawáánꞌ ríndo̱o nuda ñajunꞌ xa̱bu̱ ñajunꞌ náa̱ Mixííꞌ. Mbá nátsú yi̱i̱ꞌ rígi̱ꞌ jaꞌyoo ma̱gi̱ꞌdoo káxi̱ mbiꞌjiaaꞌ khamí jma̱a xtiꞌkhuaaꞌ. Ma̱goo mambáyaaꞌ náa̱ numba ridáá rí ma̱goo mi̱tha̱xu̱ꞌdáá mbiꞌjiaa náa̱ guꞌjóó mbúkha̱a̱, ma̱goo mi̱thriꞌkhuíi̱ mbúkha̱a̱ꞌ khamí ma̱goo mi̱tha̱xu̱ꞌdááꞌ mbiꞌjñúú i̱jia̱aꞌ muni̱gajma̱a̱ náa̱ guꞌjuá gisŋgáá. Ma̱goo mi̱tha̱nda̱ꞌja̱ náa̱ MEXITEL (1-877-639-4835).
  2. Guꞌjuá ñajunꞌ náa̱ rígá mbiꞌñúú xa̱bu̱. Múrí xa̱bu̱ Mixííꞌ ñajuaanꞌ khamí i̱jia̱aꞌ nigu̱mii náa̱ numba ridáá, ma̱goo mi̱tha̱xu̱ꞌdááꞌ mbiꞌjñúu̱ rí xa̱bu̱ Mixííꞌ ñajúu̱nꞌ, náa̱ inúú xa̱bu̱ ñajunꞌ tsú numbáñúú xa̱bu̱ Mixííꞌ, xúꞌkhui̱ jaꞌnii ma̱goo ma̱ꞌni ajma̱ xuajñúu̱. Xúꞌkhui̱ má mangaa múrí nandaaꞌ ma̱mbaxáa̱ꞌ khamí nandaaꞌ rí i̱ya̱a̱ꞌ ma̱gi̱ꞌdoo numuu náa̱ mixííꞌ.
  3. Xú jaꞌnii mi̱thambáyaaꞌ. Akhu̱ma̱a̱ꞌ rí tséꞌñuu má xú jaꞌnii nidxo̱ꞌnú náa̱ numbaa ridáá, rígá rí khaꞌyoo mambáyaaꞌ xuajin ríꞌkhui̱. Guꞌjuá ñajunꞌ rígi̱ꞌ nathámbáá jma̱a numaaꞌ khamí rígá i̱ꞌwáꞌ rí naꞌtháa̱nꞌ jma̱a numuu. Ma̱goo má mi̱thambáyaaꞌ xú jaꞌnii mambáyaaꞌ xtháŋgoo. Ayuꞌ náa̱ guꞌjuá ñajunꞌ rí rígá miŋgii náa̱ xtaa murí mumbáyáa̱ꞌ jma̱a numuu rígi̱ꞌ, múrí nixkha̱ri̱ñáa̱ꞌ náa̱ ñajuaanꞌ, o̱ múrí tsíni̱numa̱a̱ꞌle, mbuyéꞌ mumbáyáa̱ꞌ ma̱ꞌni múrí ma̱goo ma̱xtáá xóóꞌ náa̱ numba ríꞌkhui̱, múrí nindáti̱ga̱a̱ mbáá dxájuaaꞌ, múrí xtáa̱ tsú nekhuáá, múrí nagu̱ma gínááꞌ náa̱ nathañajunꞌ, maŋgaa má ma̱goo mithambáñúú i̱jia̱aꞌ múrí nini̱ŋa̱a̱ꞌla xa̱bu̱ tsú xtaa jma̱a̱ꞌ, khamí i̱ꞌwáꞌ.
  4. Yi̱i̱ꞌ rí gíꞌdoo tsiakhi̱i̱. múrí ikháán tsíyoo ma̱xtaa Mixííꞌ mi̱tsi̱mbáníí rí ndayáa̱ꞌ, yi̱i̱ꞌ rígi̱ꞌ mambáyaaꞌ rí mbáá xa̱bu̱ Mixííꞌ maꞌthá jma̱a numaaꞌ, múrí ndayóo̱ꞌ rí mi̱tha̱ni̱ yi̱i̱ꞌ rawa̱a̱nꞌ o̱ mbá rí mi̱ra̱tsi̱ khamí mi̱tha̱gu̱jua̱a̱-la o̱ muni̱ wájími̱jna̱a̱lú tsú nimbáxu̱un. Ayuꞌ náa̱ inuu xa̱bu̱ ñajunꞌ tsú nambáñúú xa̱bu̱ Mixííꞌ.
  5. Náa̱ mi̱tsi̱gajma̱a̱ khamí mi̱tsi̱thanamina̱ꞌ. Rígá tikhu guꞌjuá náa̱ xuajin rí ma̱goo mambáyaaꞌ rí xtaa náa̱ numbaaꞌ ríꞌkhui̱. Ma̱goo mambáyaaꞌ xú jaꞌnii mi̱tsi̱gajma̱a̱ xtílóo̱, inglés, maŋgaa má xú jaꞌnii mi̱tha̱ni̱ mbá ñajunꞌ. Xúꞌkhui̱ má wáꞌdáa̱ mbaꞌja inii mbiꞌjiuu xuajin náa̱ ma̱goo mi̱tsi̱thanamina̱ꞌ, tséꞌyóo̱ꞌ má ma̱xtáa̱ tsú ma̱ꞌni numuu rí ma̱gu̱ma thanaaꞌ ŋgáa̱ mbayííꞌ má numuu. Xúꞌkhui̱ má ma̱goo mumbáyáa̱ꞌ murí xuajñaaꞌ mambáyaaꞌ. Athraxi̱ jma̱a numuu xthambáyú rígi̱ꞌ.