- Jú’unil K’ajóoltaa. Te’ Cúchil Taanlaj Cajnaaloob cu pajtal a jo’sik jump’eel pasaporte, jumpe’el k’ahlay u Cúchil Taanlaj Cajnaaloob beyxan a k’aatik a ju’un hook’ chiitah México. Le o’oxp’eel ju’unó’ob yantio’ob u chucani a K’aaba’ yetel a wochel. Cu pajtal u meyajtech way Estados Unidos u tia’al a je’ik a bak’xok ti’ banco, u bo’otaatech chequeoob, a dsiibtik a paala ti’ cúchil xok. Bet a tsa ti’ MEXITEL (1-877-639-4835) wa ca dzibotik jumpe’el ti’ lejúuno’oobá.
- U Cúchil Dsíibtaal Máac. Wa mexicanaech wa mexicanoeche’ yetel a Palalo’ob siijo’ob tu lu’umil Estados Unidos, cu pajtal a dsiibtco’ob bey mexicano’ob te’ Cúchil Taanlaj Cajnaaloob; beyo’ cu K’amico’ob u ca’ap’éel lu’umilo’ob. Beyxan cu pajtal a tal te’ Cúchil Taanlaj Cajnaaloob wa a k’aat u dzo’okol a bel yetel le dzo’okol belo’ cu chimpolta’al México.
- Boch’ta’al. Ka’asé je’ bix k’uchikech waye’ yantech pajtalil Estados Unidos. Le cúchil Boch’talo’ cu tziktech tzolxikin ti jejeláas ba’xo’ob. Yetel cu pajtal u bisikech u tiáal u e’sa’atech ba’xo’ob ti ley. Xen ta Cúchil Taanlaj Cajnaaloob nadztech u tia’al u tzo’olotech yo’lal ba’xo’ob ti’ meyaj beyxan wa tojoch’intábech xma’bo’li wa ma’ bo’ota’aabtech a meyaji’; a taanla’aj yo’lal u k’ajo’olta’a wa yan u bejil u tia’al a ma’lo’ob yantal Estados Unidos, u caxta’al a la’ak’oob k’aláano’ob ti u cúchil bo’ol k’eban wa má ojéela’an tu’ux yano’obi; u táanla’aj u téeni u cabaóolta’a masewa’al wa ba’teil cajtali; u t’saba’ táanlaj ti’ pa’alal u dzo’okol u p’atcubaob le tata tzilo’obo’, ichi u la’ak’ ba’xo’ob.
- Pajtal Notario’ob. Wa k’abét a xú’ulsik wa ba’ax ti ley Mexico ba’le’ ma’ tu utztal a bin; jump’e’el u Pajtali Notario cu pajtaj u a’antikech. U Pajtalil Notario’ob cu cha’ik wa máax ti’ Mexicoe’ u acta’antech u tia’al a xu’ulsik ba’axo’ob je’ bix ti’ alab ólil, k’ax t’an ti man- coonol wa p’atbail. Nadz’aba te’ Cúchil Taanlaj Cajnaaloob wa yan ba’ax ma’ ta na’tik.
- Ka’ansaj yetel toj o’olal. Le cúchil cajo’ob yan ti je´jeláas taánlaj cu pajtal u ta’anlikech sa’ansama ti a cuxtal Estados Unidos. Cu pájtal u tak’ikech ti’ u káansaj castlan t’an, Ingles, beyxan ka’ansaj ti’ meyaj. Yan ti’oob xan jumpéel tso’ol tu’ux je’ u pajtal a k’amik ta’anlaj ti’ a toj o’ol xma’ ju’unil yetel ma´sen co’oji’. Bey xan yan jejela’as meyajo’ob cu tak’ikech ta lu’umil tu’ux a tal. Má’ u sa’ata a ‘ool k’atchi’it yo’lal le ta’anlajo’ba.
Publicaciones Recientes
2024-05-10 08:33:00 -0600
2024-05-10 08:25:00 -0600
2024-05-06 20:17:00 -0600
2024-05-06 19:13:00 -0600
2024-04-26 13:52:00 -0600
Mexicoe yan jump’eel Cúchil Taanlaj Cajnaaloob ta wikná ¡Xíimbate!
Le Cúchil Taanlaj Cajnaaloob México ti’ Estados Unidos cu t’saaico’ob le taanlajo’oba’ ti’ tulácal u cajna’alilo’ob México ichi le lu´uma’, ma’ k’abe’et u ojelta’a bix k’uchicóobi.
Secretaría de Relaciones Exteriores | 17 de febrero de 2020
Imprime la página completa
La legalidad, veracidad y la calidad de la información es estricta responsabilidad de la dependencia, entidad o empresa productiva del Estado que la proporcionó en virtud de sus atribuciones y/o facultades normativas.