Nu ra ha̱i Mꞌbonda̱ ja i ꞌbu̱htho bu̱ gí ꞌbu̱ꞌu̱ yó̱ mbe̱fi yo̱ tsꞌu̱tꞌabi i fa̱xhyo̱ jäꞌi di hokyó̱ tso̱kuä. Ní mba bá nu

Yo̱ tso̱kuä nge ní fädi toꞌo a ra jäꞌi. Nubu̱ ꞌbu̱ꞌu̱ yó̱ mbe̱fi ra tsꞌu̱tꞌabi fa̱xyo̱ jäꞌi di hokyó̱ tso̱kuä da za̱ gi jukni tso̱kuä ntꞌëdi ra ha̱i nꞌdanni, ꞌda yo̱ ꞌbede di ꞌdaꞌa yó̱ mbe̱fi ra tsꞌu̱tꞌabi fa̱xyo̱ jäꞌi di hokyo̱ tso̱kuä ꞌne gi ꞌya̱ꞌa i tso̱kuä ja ni po̱te ntꞌëxätsꞌu̱tꞌabi wa ꞌBonda̱. Nuya hyu yo̱ tso̱kuä i hutsꞌi ga̱tho ni thuhu ya ꞌne da guatꞌni po̱te. Da za̱ gi hyongua rá Ha̱i yo̱ Zubi nge da za̱ gi xoka nꞌda nin ja̱tꞌambe̱ti bu̱ ja yo̱m ꞌbe̱ꞌtsꞌambe̱ti, da za̱ gi pa̱hyo̱ xitꞌo mbe̱ti a̱ge gi hyuspa yó̱ thuhu ni tꞌu̱hni bu̱ ja ran gunxa̱di. ꞌYa̱nni ꞌbe̱ ní pa da za̱ gi mba gi ꞌya̱di bu̱ ja MEXITEL (1-877-639-4835) geꞌbu̱ yage gí nde din nꞌdaꞌa ya yo̱ tso̱kua hmagua.

Yo̱n thuxäthuhu Jäꞌi. Nuꞌbu̱ grá meꞌbonda̱ ꞌne nu u̱ ni tꞌu̱hni bim ꞌbu̱pu̱ ja yó̱ Ha̱i yo̱ Zubi, da za̱ gi hyuspa yó̱ thuhu nge yo̱ meꞌbonda̱ bu̱ ꞌbu̱ꞌu̱ yó̱ mbe̱fi ra tsꞌu̱tꞌabi faxhyo̱ jäꞌi di hokyó̱ tso̱kuä; gepu̱ya, da za̱ dim mengu yoho yo̱ ha̱i. Xi da za̱ gi mba bu̱ ꞌbu̱ꞌu̱ yó̱ mbe̱fi ra tsꞌu̱tꞌabi fa̱xhyo̱ jäꞌi di hokyó̱ tso̱kuä ꞌbu̱ yage gín nde gin thäti ꞌne nu a ran thäti gi ꞌyo̱tꞌe di mu wi wa Mꞌbonda̱ a.

Ram fa̱xte. Dami bëni nge geꞌbu̱ grá mengu bu̱ ja ra ha̱i a wage hínꞌna, i ja nin tꞌëdi bu̱ yó̱ Ha̱i yo̱ Zubi. Nu u̱ yó̱ ꞌbe̱fi dim fa̱xte da mba̱xe̱ u̱ ꞌne da xiꞌa u̱ ꞌdahmaꞌdaꞌyo yo̱m hma nge ꞌbe̱ da za̱ gi ꞌyo̱tꞌe. Xi da za̱ gi ꞌya̱di da mba ma ze̱ꞌi ꞌbe̱ da za̱ gi ꞌyo̱tꞌe. Ni mba ꞌbu̱ꞌu̱ yó̱ mbe̱fi yo̱ tsꞌu̱tꞌabi i fa̱xhyo̱ jäꞌi di hokyó̱ tso̱kuä i ꞌbu̱pu̱ ha̱ntho gí ꞌbu̱i gepu̱ da siꞌi ꞌbe̱ gi ꞌyo̱tꞌe nange hanja yo̱ ꞌbe̱fi tengu ya geꞌbu̱ bi thäkꞌa ra ꞌbe̱fi ꞌne híngi siꞌi hagen ja a̱ge hím bin juꞌtꞌa nin za̱bi; da hnu ꞌbu̱ ja ge da za̱ ꞌbe̱ da tꞌo̱tꞌe gepu̱ da za̱ gim ꞌbu̱i nyaꞌa wa ra Ha̱i yo̱ Zubi; ꞌbe̱pu̱ dí mban thoni u̱ ni meni bi fe̱ntꞌi a̱ge híngi pan thini; da mba ma ze̱ꞌa ꞌbu̱ híngi pan tꞌëꞌtsꞌi i a̱ge di u̱nꞌna nin do̱; ram fa̱tsꞌi nange rán tsꞌihme u̱ ni tꞌu̱hni ꞌbu̱ ya ge gán hye̱hmi nin do̱, ꞌne mi ꞌda bu̱ya.

Yó̱ Tsꞌe̱di yo̱ Tso̱kuäntꞌëdi: Nuꞌbu̱ gí hoka nꞌda ni thogi bu̱ Mꞌbonda̱ pe̱ híngi tsa̱ gim mba, da za̱ di ze̱ꞌa nꞌda Tsꞌe̱di Tso̱kuäntꞌëdi. Nu yó̱n Tsꞌe̱di yo̱n Tso̱kuäntꞌëdi di jaꞌi nge ꞌboꞌo di po̱ꞌtꞌa bu̱ Mꞌbonda̱ nange yo̱ tso̱kuä i hutsꞌi ꞌbe̱ din ja, ꞌbu̱ jaꞌa gi ta̱i a̱ge ran hye̱gi. Ní mba bu̱ ꞌbu̱ꞌu̱ yó̱ mbe̱fi ra tsꞌu̱tꞌabi yo̱ tsꞌu̱tꞌabi di hokyo̱ tso̱kuä ꞌbu̱ jaꞌa gídí hyonya thhoho.

Ran Xa̱di ꞌne ran Zaki. Nubu̱ ꞌbu̱ꞌu̱ i fa̱hyo̱ hnini i ja yó̱m fa̱tsꞌi nge da za̱ di ze̱ꞌi ga̱ yo̱ pa gim ꞌbu̱pu̱ yó̱ Ha̱i yo̱ Zubi. Da za̱ gin xa̱hmbu̱ ra hyämfo̱, ra zubi, ꞌne xi da za̱ gi xa̱di ꞌbe̱pu̱ gdím pe̱fi. Ximmi ja ra tso̱kua hapu̱ huxyo̱ thuhu yo̱ xe̱ki gepu̱ da za̱ gi un ra ꞌyo̱thebate ꞌne hínga nehtho di käꞌa nin tꞌëditho̱thebate ꞌne híngí madi gi jutꞌi. manꞌda bu̱ya ximmi ja yo̱ ꞌbe̱fi nge da za̱ gim fa̱xu̱ a ra hnini gbí netsꞌi. O gídí hyonya thoho dami ꞌya̱nni yo̱m fa̱tsꞌi ya.