1. Kuvi tava ndo tutu cha nañi identidad nu kuvi Consulado kuan, kuvi tava ndo pasaporte ndo ñandɨꞌɨ, ta kuꞌva chi numero (matricula) chi ndo ta kuvi tava ndo credencial de elector vatyi kuvi saꞌa ndo votar nya ñukoꞌyo . Nɨ nduñi taꞌan tutu iꞌya kukunyaa sɨvɨ ndo ta foto ndo nuu chi. Vatyi ku chiñuꞌun chi chindo nu iyo ndo, kuvi nuña ndo noo cuenta banco chiꞌin chi o kuvi nasama ndo cheque chiꞌin chi, o kuvi tyiꞌi ndo chi seꞌe ndo sɨkula, kuvi kaꞌan ndo chiꞌin teléfono tatu chiñuꞌun tutu iꞌya chindo, ikan numero Iꞌya, (1877-639-4835)
  2. Kukoo nu kita tutu sɨvɨ ñayɨvɨ. kuvi tyinyee veꞌe tyino Consulado kuan chi ndo kuvi ri ndo rayɨɨ o ñusɨꞌɨ tatu chikoo seꞌe ndo nu iyo ndo Estados Unidos kuvi tava ndo tutu sɨvɨ seꞌe ndo nu kuvi veꞌe tyiño Consulado; ta kua kuvi seꞌe ndo ra ñukoꞌyo ta ra Estados Unidos nɨ nduvi ri, ta kuvi tandaꞌa ndo ñandɨ,ɨ ta vale tutu kuan nyakua nya nukoꞌyo iꞌya.
  3. Yoso kaa ku tyinyee ra chindo nɨri maa ñaꞌri tutu migra ndo iyo soko iyo derecho chi ndo nu iyo ndo Estados Unidos chiña. Iyo noo veꞌe tyiño cha nañi protección kusaꞌa kuenda chi chindo ta kukuꞌva chi kuꞌva chi ndo ñaa ndɨꞌɨ tɨndoꞌo kuvi chi ndo.Ta sakeꞌen ityi tuku chi, chindo yoso kaa kuꞌun ndo kuatyi nuu ra kuvi tyiño. Kuaꞌan ndo nu kuvi veꞌe tyiño consulado cha nyaa yatyin nu iyo ndo. Na kuꞌva ra kuꞌva chi ndo ta sakaku ndo chi ndo tatu tava patron ndo chi ndo nu saꞌa tyiño ndo ta ñaꞌri kuatyi ndo, o ña tyiyaꞌvi ra chi ndo, ta kua tyinyee tuku chi chindo ta nɨkoo vaꞌa ka ndo nu iyo ndo chiña; Tatu kuanaa noo ñayɨvɨ chii ndo o chasɨ ra chi ñu, ku tyinyee consulado chi ndo ta tatu ña kuñi nyeꞌe ñayɨvɨ chi ndo cha katyi cha kuvi ndo ra ñukoꞌyo o tatu iyo tɨsɨꞌɨ nu kuvi veꞌe ndo chiꞌin ñayɨvɨ chii ndo; tatu sandoo yɨɨ ndo chi ndo ta iyo seꞌe ndo ku tyinyee consulado chi ndo na kuva yɨɨ ndo pensión vatyi kachi seꞌe ndo.
  4. Tatu iyo noo tɨsɨꞌɨ cha taꞌan chi sandaa ndo nya ñukoꞌyo ta ña kuvi Kuꞌun ndo, iyo noo poder notarial cha kuvi tyinyee chi ndo. Ta kuvi nduku ndo noo ra Ñukoꞌyo vatyi sandaa ra kuatyi kuan tyiño nuu ndo, kuvi ri no testamento o cha nasata ndo ta naxiko ndo, o divorcio, kuaꞌan ndo nu kuvi Consulado ta koto vaꞌa ndo tyiño iꞌya.
  5. Iyo noo Departamento ta noo Programa cha kuvi sakuvi tyiño nuu ndo Estados Unidos iꞌya. Kuvi tyinyee ra chi ndo ta sakuaꞌa ndo saꞌan ta inglés ñandɨꞌɨ, ta sañaꞌan ra chi ndo na kutuꞌva ndo noo tyiño. Ku tyinyee tuku ra chi ndo ta kukuvi tatan chi ndo nu nyaa doctor ta ña yaꞌvi kukeꞌen ra chi ndo vasɨ ñaꞌri seguro ndo iyo. Iyo noo programa nu kuvi saꞌa ndo vinkular chi ndo chiꞌin ñuu nu kaku ndo, ma kaka xiñi, ndo vatyi ña ndicha tuꞌun iꞌya ra ñukoꞌyo tyaa ra Consulado ityi nu iyo ndo vatyi tyinyee chi, chi ndo kuaꞌan ndo yukuan.